ແຂວງຫົວພັນຈັດງານບາສີສູ່ຂັວນປີໃໝ່ ພສ 2561

ການເຄື່ອນໄຫວ

ໃນຕອນເຊົ້າຂອງວັນທີ 13 ເມສາ 2018 ກົງກັບວັນສຸກ, ແຮມ 13 ຄ່ຳ, ເດືອນ 5 ລາວ, ພສ 2561 ແຂວງຫົວພັນໄດ້ຈັດພິທີບາສີສູ່ຂັວນ ເພື່ອເປັນການ ສົ່ງທ້າຍປີເກົ່າ(ປີລະກາ) ແລະ ຕ້ອນຮັບປີໃໝ່(ປີຈໍ) ເພື່ອເປັນການໃຫ້ພອນເຊີ່ງກັນ ແລະ ກັນ ທັງເປັນການອະນຸລັກຮັກສາຮີດຄອງປະເພນີອັນດີງາມປະເພນີຂອງຊາດລາວເຮົາ. ຈຸດປະສົງຂອງການຈັດງານຄັ້ງນີ້ ເພື່ອເປັນການລະດົມທຶນສົມທົບກອງທຶນກິລາກາຍ-ຍະກຳ ຂອງແຂວງ ເພື່ອກຽມຄວາມພ້ອມໃຫ້ແກ່ການເຂົ້າຮ່ວມງານມະຫາກຳກິລາແຫ່ງຊາດ ທີ່ຈະຈັດຢູ່ແຂວງຊຽງຂວາງ ໃນຊ່ວງທ້າຍປີ 2018, ໃນການຈັດງານຄັ້ງນີ້ ແຂວງຫົວພັນໄດ້ເຊີນບັນດາພະແນກການ, ອົງການທຽບເທົ່າ, ບັນດາລັດວິສາຫະກິດ, ບໍລິສັດຕ່າງໆ ທັງພາຍໃນ ແລະ ຕ່າງປະເທດ ເຂົ້າຮ່ວມ, ການຈັດງານຄັ້ງນີ້ສາມາດລະດົມທຶນເຂົ້າກອງທຶນໄດ້ຈຳນວນ 61.701.000 ກີບ ແລະ 300 $ ໂດລາ. ໃນພິທີດັ່ງກ່າວ ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຫົວພັນ ໄດ້ໃຫ້ກຽດຂື້ນກ່າວ ຄຳອວຍພອນປີໃໝ່ ໃຫ້ບັນດາທ່ານແຂກຜູ້ເຂົ້າຮ່ວມ ຕະຫຼອດຮອດພໍ່ແມ່ປະຊາຊົນບັນດາເຜົ່າຊາວແຂວງຫົວພັນທຸກທົ່ວໜ້າຂໍໃຫ້ມີແຕ່ສິ່ງດີໆເຂົ້າມາໃນຊີວິດ ພ້ອມກັນພັດທະນາແຂວງຫົວພັນໃຫ້ມີຄວາມຈະເລີນກ້າວໜ້າຍີ່ງໆຂື້ນ.

ການໃຫ້ພອນແກ່ບັນດາທ່ານການນຳແຂວງຫົວພັນ

IMG 4632