ພະແນກແຜນການ ແລະ ການລົງທຶນ ໄດ້ຈັດກອງປະຊຸມ ເຜີຍແຜ່ ແລະ ເຊື່ອມຊຶມກອງປະຊຸມຄົບຄະນະບໍລິຫານງານພັກແຂວງຄັ້ງທີ 10 ສະໄໝທີ x ແລະ ບັນດາເອກະສານຕ່າງໆທີ່ສຳຄັນ

ການເຄື່ອນໄຫວ, ພະແນກ ແຜນການ ແລະ ການລົງທຶນ

ພະແນກແຜນການ ແລະ ການລົງທຶນ ໄດ້ຈັດກອງປະຊຸມ ເຜີຍແຜ່ ແລະ ເຊື່ອມຊຶມກອງປະຊຸມຄົບຄະນະບໍລິຫານງານພັກແຂວງຄັ້ງທີ 10 ສະໄໝທີ x ແລະ ບັນດາເອກະສານຕ່າງໆທີ່ສຳຄັນ ຂື້ນໃນວັນທີ 01 ມີນາ 2023 ໂດຍການເປັນປະທານຂອງ ທ່ານ ຄອນທອງ ມະນີວອນ ກຳມະການພັກແຂວງ, ເລຂາຮາກຖານພັກ ຫົວໜ້າພະແນກແຜນການ ແລະ ການລົງທຶນແຂວງ, ແລະ ຍັງມີຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງຕະຫຼອດຮອດພະນັກງານ-ລັດຖະກອນທັງໝົດເຂົ້າຮ່ວມ ຈຳນວນ 36 ທ່ານ, ຍິງ 14 ທ່ານ. ກອງປະຊຸມດັ່ງກ່າວນີ້ຍັງໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງຮອງຫົວໜ້າພະແນກ ແລະ ຂໍ້ຕົກລົງແຕ່ງຕັ້ງ ຫົວໜ້າຂະແໜງ, ຮອງຫົວໜ້າຂະແໜງ.
ໃນໂອກາດດັ່ງກ່າວຄະນະພັກ, ຄະນະພະແນກຍັງໄດ້ເຜີຍແຜ່ ແລະ ເຊື່ອມຊຶມເອກະສານສຳຄັນຕ່າງໆເຊັ່ນ: ບົດສະຫຼຸບການຕີລາຄາການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດຮອບດ້ານ ແກ້ໄຂຄວາມທຸກຍາກ ແລະ ວຽກງານ 3 ສ້າງ ໃນໄລຍະຜ່ານມາ ປີ(2016-2021) ແລະ ຜ່ານບົດຄໍາເຫັນໂອ້ລົມຂອງ ສະຫາຍ ທອງລຸນ ສີສຸລິດ ເລຂາທິການໃຫ່ຍຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ກ່າວຕໍ່ກອງປະຊຸມສະຫຼຸບຕີລາຄາວຽກງານກໍ່ສ້າງຮາກຖານການເມືອງ ຕິດພັນກັບວຽກງນພັດທະນາຊົນນະບົດຮອບດ້ານ ແກ້ໄຂຄວາມທຸກຍາກ ແລະ ວຽກງານ 3 ສ້າງ. ເພື່ອເຮັດໃຫ້ພະນັກງານ-ລັດຖະກອນ ຮັບຮູ້, ເຂົ້າໃຈເຖິງຄວາມໝາຍຄວາມສຳຄັນຂອງບັນດາເອກະສານຂ້າງເທິງ.