ກ່ຽວກັບແຂວງຫົວພັນ

ປະຫວັດຄວາມເປັນມາ ຂອງແຂວງຫົວພັນ

ແຂວງຫົວພັນແມ່ນແຂວງໜຶ່ງ ທີ່ນອນຢູ່ໃນບັນດາແຂວງ ພາກເໜືອ ຂອງລາວ ເປັນເມືອງເກົ່າແກ່ ຂອງອານາຈັກລ້ານຊ້າງ ມາແຕ່ບູຮານນະການ ຈຶ່ງຂະໜານນາມວ່າ ເປັນເມືອງເໜືອ ແລະ ເຄີຍເປັນພາກສ່ວນໜຶ່ງ ຂອງເມືອງຊວາ(ຫຼວງພະບາງໃນສະໄໝກ່ອນ  ແລະ ເປັນເຂດທີ່ໝັ້ນ ຂອງການປະຕິວັດເປັນຖິ່ນກຳເນີດ ຂອງພັກປະຊາຊົນ ປະຕິວັດລາວແຂວງຫົວພັນ ຕັ້ງຢູ່ທິດຕາເວັນອອກສ່ຽງເໜືອ ຂອງປະເທດລາວ ຕາມເສັ້ນຂະໜານ ທີ່ 19 ອົງສາ 48 ລິບດາເໜືອ ແລະ ຕັ້ງຢູ່ລະຫວ່າງກາງ ເສັ້ນແວງທີ່ 103 ອົງສາ – 105 ອົງສາດ້ານທິດຕາເວັນອອກ ມີຊາຍແດນ ຕິດກັບ 3 ແຂວງ ຂອງປະເທດ ສສ ຫວຽດນາມ ຄືຕິດກັບແຂວງເຊີນລາ 196 km, ແທັງຮວ່າ 296 km  ແລະ ແຂວງເງ້ອານ 53 km. ທິດເໜືອ ຕິດກັບແຂວງຫຼວງພະບາງທິດຕາເວັນຕົກ ຕິດກັບແຂວງຊຽງຂວາງ ມີຄວາມຍາວ 260 km. ແຂວງຫົວພັນ ມີເນື້ອທີ່ທັງໝົດ: 17,500 km2 ຫ່າງຈາກນະຄອນຫຼວງວຽງຈັນ 650 km, ປະກອບມີ 10 ເມືອງ, 716 ບ້ານມີ 90 ກຸ່ມບ້ານ ແລະ ມີພົນລະເມືອງ ທັງໝົດ: 290,000 ກວ່າຄົນມີ 9 ເຜົ່າຊົນ ດຳລົງຊີວິດຢູ່ຮ່ວມກັນ.

ພາລະບົດບາດ

ຫ້ອງວ່າການແຂວງມີພາລະບົດບາດເປັນເສນາທິການ ໃຫ້ແກ່ຄະນະບໍລິຫານງານພັກ, ຄະນະປະຈໍາພັກແຂວງ, ເລຂາພັກແຂວງ, ຮອງເລຂາພັກແຂວງ, ອົງການປົກຄອງ, ເຈົ້າແຂວງ, ຮອງເຈົ້າແຂວງໃນການອໍານວຍ, ຄວບຄຸມ, ຊຸກຍູ້, ຕິດຕາມການຈັດຕັ້ງປະຕິບັດມະຕິຂອງກອງປະຊຸມຄະນະບໍລິຫານງານພັກ ແລະ ອົງການປົກຄອງແຂວງ, ເປັນໃຈກາງການພົວພັນປະສານງານກັບອົງການຈັດຕັ້ງຂອງພັກ-ລັດຂັ້ນສູນກາງ, ບັນດາພະແນກການອ້ອມຂ້າງແຂວງ, ບັນດາເມືອງ, ອົງການຈັດຕັ້ງຕ່າງໆ; ເປັນຜູ້ບໍລິຫານຮັບໃຊ້ການເຄື່ອນໄຫວຽກງານຂອງການນໍາແຂວງ ແລະ ຊີ້ນໍາ-ນໍາພາ, ຄຸ້ມຄອງ ບໍລິຫານວຽກງານພາຍໃນຫ້ອງວ່າການແຂວງ.

ໂຄງຮ່າງການຈັດຕັ້ງ

ພະແນກການອ້ອມຂ້າງ

– ຍັງບໍ່ມີຂໍ້ມູນ