ໃນລະຫວ່າງວັນທີ 1-3 ກຸມພາ 2018 ທີ່ຜ່າມມາ ສະຫາຍ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງແຂວງຫົວພັນ ພ້ອມດ້ວຍຄະນະ ໄດ້ສຳເລັດການໄປຢ້ຽມຢາມ ແລະ ອວຍພອນບຸນປີໃຫມ່ ຢູ່ສາມແຂວງຄື: ແຂວງເງ້ອານ, ແຂວງແທັງຮ່ວາ ແລະ ແຂວງບັກນິງ ສາທາລະນະລັດສັງຄົມນິຍົມຫວຽດນາມ ເຊິ່ງໄດ້ຮັບການຕ້ອນຮັບຢ່າງອົບອຸ່ນ ແລະ ສະໜິດສະໜົມຈາກການນຳແຂວງຂອງບັນດາແຂວງ.
ການໄປຢ້ຽມຢາມອວຍພອນບຸນປີໃຫມ່ຄັ້ງນີ້ເປັນການສືບຕໍ່ຜັນຂະຫຍາຍເນື້ອໃນຈິດໃຈປີສາມັກຄີ ລາວ-ຫວຽດ, ມູນເຊື້ອແຫ່ງການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງຊາດເວົ້າລວມ, ເວົ້າສະເພາະແມ່ນແຂວງຫົວພັນກັບ ແຂວງເງ້ອານ, ແຂວງແທັງຮ່ວາ ແລະ ແຂວງບັກນິງ ໃຫ້ໝັ້ນຄົງຕະຫຼອດໄປ. ການໄປຢ້ຽມຢາມບຸນປີໃຫມ່ 2018 ຂອງຊາວຫວຽດນາມຄັ້ງນີ້, ທັງສອງຝາຍກໍ່ໄດ້ແລກປ່ຽນລາຍງານສະພາບການພັດທະນາເສດຖະກິດສັງ-ຄົມສັງຄົມ ໂດຍສະເພາະແມ່ນການກໍ່ສ້າງພືນຖານໂຄງລ່າງ, ການພັດທະນາເຂດຊາຍແດນເຊື່ອມຕໍ່ລະຫວ່າງ ເມືອງກັບເມືອງ, ບ້ານກັບບ້ານ, ແລ້ວຍັງໄດ້ພ້ອມກັນປຶກສາຫາລືແຜນການຮ່ວມມື 2018 ຕື່ມອີກ. ນອກຈາກນັ້ນ ສະຫາຍ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງແຂວງຫົວພັນ ຍັງໄດ້ສະແດງຄວາມຍ້ອງຍໍຊົມເຊີຍຕໍ່ການຮ່ວມມືຊ່ວຍເຫຼືອ ຂອງບັນດາແຂວງ ສສ ຫວຽດນາມ ໃນໄລຍະຜ່ານມາ ແລະ ຍັງໄດ້ອວຍພອນໃຫ້ແກ່ການນຳ ແລະ ປາຊາຊົນບັນດາເຜົ່າຂອງສາມແຂວງ ສສ ຫວຽດນາມ ຈົ່ງພ້ອມກັນຫຼີ້ນບຸນປີໃຫມ່ປະຈຳຊາດຂອງຕົນ ໃຫ້ເບິີກບານມ່ວນຊື່ນ ພ້ອມກັນພັດທະນາ ປະເທດຊາດບ້ານເມືອງຂອງຕົນ ໃຫ້ຮັ່ງມີເຂັມແຂງ, ຈະເລີນຮຸ່ງເຮືອງຂື້ນຢ່າງບໍ່ຢຸດຢັ້ງ ແລະ ອວຍພອນນຳໃຈສາມັກຄີແບບພິເສດ ລາວ-ຫວຽດນາມ, ຫວຽດນາມ-ລາວ ຈົ່ງໝັ້ນຄົງທະນົງແກ່ນຊົ່ວກາລະນານ.
ການຕ້ອນຮັບຈາກການນຳແຂວງ ເງ້ອານ ໂດຍ ສະຫາຍ ຫງວຽນຊວນເດືອງ
ປະທານຄະນະກຳມະການປະຊາຊົນແຂວງ ເງ້ອານ
ການຕ້ອນຮັບຈາກການນຳແຂວງ ບັກນີງ ໂດຍສະຫາຍ ຫງວຽນເຍີນຈ້ຽງ ກຳມະການສູນກາງພັນ
ເລຂາພັກແຂວງ, ປະທານສະມາຊິກສະພາປະຊາຊົນ
