ແຂວງຫົວພັນຍິນດີຕ້ອນຮັບ ງົດ​ງ​າມ​ພູ​ຜາ ນ້ຳ​ມ່າ​ສ່ອງ​ໃສ ວຽງ​ໄຊ​ປະ​ຫວັດ​ສາດ ຜ້າ​ໄໝຊຳ​ໃຕ້ ຫິນ​ຕັ້ງ​ຫົວ​ເມືອງ ຖິ່ນ​ພູ​ສາມ​ເຊົ່າ ຄົກ​ເຂົ້ານ້ຳ​ລິນ ແຜ່ນ​ດິນ​ວິ​ລະ​ຊົນ

ຫ້ອງວ່າການປົກຄອງແຂວງຫົວພັນ ຈັດກອງປະ​ຊຸມຝຶກອົບຮົມ ການ​ສ້າງ​ນິ​ຕິກ​ຳ​ລຸ່ມ​ກົດ​ໝາຍ ຄະນະທະຫານອາສາສະໝັກ ແລະ ຊ່ຽວຊານ ແຂວງຟູຖໍ້ ແລະ ແຂວງອຽນບາຍ ແຫ່ງ ສສ ຫວຽດນາມມາຢຽມຢາມ ແລະ ເຮັດວຽກຢູ່ແຂວງຫົວພັນ ຄະນະທ່ານ ອົງການຜູ້ຕ່າງກະຊວງຕຳຫຼວດແຫ່ງ ສສ ຫວຽດນາມປະຈຳ ສ ປ ປ ລາວ ມາຢຽມຢາມ ແລະ ເຮັດວຽກຢູ່ແຂວງຫົວພັນ ທ່ານ ສອ​ນ​ໄຊ​ສີ​ພັນ​ດອນ ຢ້ຽມ​ຢາມ​ແຂວງ​ຫົວ​ພັນ 17-19/5/2018 ທ່ານ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສ ປ ປ ລາວ  ມາຢຽມຢາມ ແລະ ເຮັດວຽກຢູ່ແຂວງຫົວພັນ ພິທີມອບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີI ປະຈຳປີ 2017 ຂອງດ່ານສາກົນນໍ້້າໂສຍ - ນາແມວ ກວດກາຜົນສຳເລັດ 100% ໂຄງການກໍ່ສ້າງທາງ ແຕ່ 5 ແຍກ ທົ່ງນາໄກ່ - ໂຮງຮຽນການເມືອງການປົກຄອງແຂວງ ແລະ ລົງຢ້ຽມຢາມບັນດາໂຄງການກໍ່ສ້າງ  9 ໂຄງການຫຼັກ ຢູ່ເມືອງວຽງໄຊ ຄະນະຜູ້ແທນສະພາປະຊາຊົນແຂວງແທັງຮວ່າ ສສ ຫວຽດນາມ ເຂົ້້າຢ້ຽມຂ່ຳນັບສະຫາຍ ວັນໄຊ ແພງຊຸມມາ ເລຂາພັກແຂວງ ເຈົ້າແຂວງຫົວພັນ ກວດກາຜົນສຳເລັດ 100% ໂຄງການກໍ່ສ້າງທາງບ້ານ ປ່າຄາໃຕ້ ຫາ ຂົວນໍ້າເປີນ ແລະ ຂົວນໍ້າເປີນ 1 ແຫ່ງ ສ້າງຂະບວນການຂໍ່ານັບຮັບຕ້ອນວັນກຳມະກອນສາກົນຄົບຮອບ 132 ປີ (1 ພຶດສະພາ 1886 – 1 ພຶດສະພາ 2018) ພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VI ປະຈຳປີ 2017 ຂອງໜ່ວຍພັກຫ້ອງວ່າການປົກຄອງແຂວງຫົວພັນ ແຂວງຫົວພັນຈັດງານບາສີສູ່ຂັວນປີໃໝ່ ພສ 2561 ການນຳແຂວງຫົວພັນໄປຢ້ຽມຢາມອວຍພອນບຸນປີໃຫມ່ ສສ ຫວຽດນາມ ລາຍງານສະພາບການລົງຊ່ວຍເຫຼືອບັນເທົາທຸກ ໃຫ້ແກ່ປະຊາຊົນບ້ານເມືອງເກີນ ເມືອງຊຳໃຕ້ ແຂວງຫົວພັນ ທີ່ໄດ້ຮັບຜົນກະທົບຈາກໄພທຳມະຊາດ ພິ​ທີ​ພົບ​ປະ​ ແລກ​ປ່ຽນ​ບົດ​ຮຽນ ວຽກ​ງານ​ຫ້ອງວ່າ​ການ ລະ​ຫວ່າງ ຫ້ອງວ່າ​ການ​ປົກ​ຄອງ​ແຂວງ​ຫົວ​ພັນ ແລະ ຫ້ອງວ່າ​ການ​ປົກ​ຄອງ​ແຂວງ​ຊຽງ​ຂວາງ

ພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VI ປະຈຳປີ 2017 ຂອງໜ່ວຍພັກຫ້ອງວ່າການປົກຄອງແຂວງຫົວພັນ

 

IMG 4920

ໃນຕອນເຊົ້າເວລາ 8:00 ຂອງວັນທີ 25 ເມສາ 2018 ໜ່ວຍພັກຫ້ອງວ່າການປົກຄອງແຂວງຫົວພັນໄດ້ຈັດພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VI ປະຈຳປີ 2017 ພິທີດັ່ງກ່າວໄດ້ໃຫ້ກຽດເປັນປະທານພິທີໂດຍສະຫາຍ ພູໂຊນ ທຳມະວິໄຊ ຄະນະປະຈຳພັກແຂວງ, ຮອງເຈົ້າແຂວງຫົວພັນ ຜູ້ຊີ້ນຳຂົງເຂດວຽກງານ ວັດທະນະທຳ-ສັງຄົມ ຊື່ງກອງປະຊຸມດັ່ງກ່າວໄດ້ມີຜູ້ເຂົ້າຮ່ວມທັງໝົດ 30 ສະຫາຍ, ຍີງ 10 ສະຫາຍ, ແລະ ຍັງໄດ້ເຊີນເອົາບັນດາໜ່ວຍພັກທີ່ຂື້ນກັບຄະພັກຮາກຖານຫ້ອງວ່າການປົກຄອງແຂວງເຂົ້າຮ່ວມນຳ. ໜ່ວຍພັກຫ້ອງວ່າການປົກຄອງແຂວງ ເປັນໜ່ວຍພັກໜຶ່ງທີ່ຂື້ນກັບການຊີ້ນຳ-ນຳພາຂອງຄະນະພັກຮາກຖານຫ້ອງວ່າການປົກຄອງແຂວງ ມີໜ້າພາລະບົດບາດ, ສິດ, ໜ້າທີ່ ເປັນເສນາທິການໃຫ້ແກ່ຄະນະປະຈຳພັກແຂວງ, ອົງການປົກຄອງແຂວງ ແລະ  ມີຄວາມຮັບຜິດຊອບໃນການສຶກສາອົບຮົມການເມືອງ-ແນວຄິດ, ຊີ້ນຳວຽກງານວິຊາສະເພາະ ແລະ ກໍ່ສ້າງພະນັກງານ, ຕາມ 5 ຂະແໜງການຂອງຫ້ອງວ່າການ, ປັດຈຸບັນມີສະມາຊິກພັກທັງໝົດ 31 ສະຫາຍ, ຍິງ 9 ສະຫາຍ, ສຳຮອງ 5 ສະຫາຍ, ຍິງ 3 ສະຫາຍ, (ໄປຍົກລະດັບດ້ານທິດສະດີ 1 ສະຫາຍ, ເຝິກອົບຮົມພາສາຕ່າງປະເທດ 1 ສະຫາຍ) ມີຄະນະໜ່ວຍພັກ 3 ສະຫາຍ ຍິງ 1 ສະຫາຍ ; ລະດັບການສຶກສາຕໍາສຸດມໍຕົ້ນ; ລະດັບວິຊາສະເພາະຕໍາສຸດແມ່ນຊັ້ນສູງ ແລະ ສູງສຸດປະລິນຍາໂທ; ລະດັບທິດສະດີການເມືອງ-ການປົກຄອງຕໍາສຸດຊັ້ນກາງ, ຂຶ້ນໄປຫາປະລິນຍາໂທ.

ຕາງໜ້າໜ່ວຍພັກ ໂດຍສະຫາຍ ວັນເພັດ ສີບຸນແສງ ເລຂາໜ່ວຍພັກ ຫ້ອງວ່າການປົກຄອງແຂວງໄດ້ຂື້ນຜ່ານຮ່າງບົດສະຫຼຸບການຊີ້ນຳນຳພາຂອງໜ່ວຍພັກປະຈຳປີ 2017 ແລະ ວາງທິດທາງແຜນການ ໃນການຊີ້ນຳ-ນຳພາກວຽກງານຂອງໜ່ວຍພັກໃນປີ 2018 ຊື່ງບົດສະຫຼຸບໄດ້ຕີລາຄາ 4 ດ້ານຄື: ດ້ານການເມືອງແນວຄິດ, ດ້ານການຈັດຕັ້ງ, ດ້ານແບບແຜນວິທີເຮັດວຽກ ແລະ 5 ເນື້ອໃນຮູ້ນຳພັກຮອບດ້ານຄື: ນຳພາດ້ານການເມືອງແນວຄິດ, ນຳພາທາງດ້ານວິຊາສະເພາະ ໃນການພັດທະນາເສດຖະກິດ ແລະ ວັດທະນາທຳສັງຄົມ, ນຳພາປັບປຸງກົງຈັກການຈັດຕັ້ງ-ອົງການຈັດຕັ້ງມະຫາຊົນ, ນຳພາວຽກງານປ້ອງກັນຊາດ-ປ້ອງກັນຄວາມສະຫງົບ, ນຳພາວຽກງານກໍ່ສ້າງພັກ-ພະນັກງານ ແລະ ຍັງຍົກໃຫ້ເຫັນບັນດາຈຸດດີຜົນງານ ແລະ ບັນດາຂໍ້ຫຍຸ້ງຍາກໃນໄລຍະຜ່ານມາ ເພື່ອພ້ອມກັນຊອກຫາສາເຫດ ແລະ ວິທີການແກ້ໄຂໃນຕໍ່ໜ້າ ໃຫ້ນັບມື້ດີຂື້ນ ແລະ ຫັນເຂົ້າສູ່ທັນສະໄໝເທື່ອລະກ້າວ.

ຕອນທ້າຍປະທານກອງປະຊຸມໄດ້ມີຄຳເຫັນໂອ້ລົມໃຫ້ທິດຊີ້ນຳຕໍ່ກອງປະຊຸມ ເຊີ່ງສະຫາຍໄດ້ເນັ້ນໜັກໃຫ້ຄະນະພັກ ແລະ ສະມາຊິກພັກຕ້ອງເອົາໃຈໃສ່ຄື: 1). ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານເປັນກົກ ໂດຍສະເພາະແມ່ນຄົນລຸ້ນໜຸ່ມເປັນຜູ້ສຶບຖອດພາລະກິດຂອງພັກ (ໃນການປົກປັກຮັກສາ ແລະ ສ້າງສາພັດທະນາປະເທດຊາດ) ເຮັດແນວໃດໃຫ້ຄົນລຸ້ນໜຸ່ມຮັບຮູ້ເຊື່ອມຊືມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ເພື່ອຈະເປັນຜູ້ທີ່ມີຄຸນທາດການເມືອງໜັກແໜ້ນ, ມີທັດສະນະຄຸນສົມບັດສິນທຳປະຕິວັດທີ່ດີ, ມີຄວາມເປັນເຈົ້າການຕໍ່ໜ້າທີ່ການເມືອງໄດ້ຮັບມອບໝາຍ ແລະ ຄວາມຮັບຜິດຊອບຕໍ່ສ່ວນລວມສູງ. 2). ປັບປຸງການຈັດຕັ້ງພັກ ທາງດ້ານປະລິມານ ແລະ ຄຸນນະພາບຕາມມາດຖານເງື່ອນໄຂຜູ້ຈະເຂົ້າເປັນສະມາຊິກພັກ, ກຳໃຫ້ໄດ້ຫຼັກການ-ທິດສະດີໃນການກໍ່ສ້າງ ແລະ ປັບປຸງພັກ ທັງກຳໄດ້ແໜ້ນບັນດາຂໍ້ຫ້າມຂອງສະມາຊິກພັກ ໃນນີ້ຢາກສ້າງພັກໃຫ້ປອດໃສ, ເຂັ້ມແຂງໜັກແໜ້ນ ແລະ ເຮັດໃຫ້ມະຫາຊົນມີສັດທາຕໍ່ພັກ ກ່ອນອື່ນໝົດ ສະມາຊິກພັກຕ້ອງເປັນແບບຢ່າງທີ່ດີ, ສຳລັບຜູ້ທີ່ເຂົ້າໃຈວິທີສ້າງມະຫາຊົນກ້າວໜ້າເຂົ້າພັກເລິກເຊີ່ງແລ້ວ ກໍ່ຮຽກຮ້ອງໃຫ້ເຫັນແກ່ຜົນປະໂຫຍດລວມໃຫ້ສູງ, ບໍ່ອະຄະຕິ ໝາຍວ່າ: ເລືອກເອົາຜູ້ດີກ້າວໜ້າແທ້ເຂົ້າພັກ ແລະ ບໍ່ເອົາຜູ້ທີ່ບໍ່ໄດ້ມາດຖານເງື່ອນໄຂເຂົ້າພັກເດັດຂາດ, ສຳລັບຜູ້ທີ່ບໍ່ເຂົ້າໃຈ ວິທີສ້າງມະຫາຊົນເຂົ້າພັກ ໃຫ້ປະສານກັບພະແນກກ-ອົງການກ່ຽວຂ້ອງ ແນະນຳວິທີການໃຫ້ຕື່ມ ໂດຍສະເພາະຄະນະອົບຮົມແຂວງ, ຄະນະຈັດຕັ້ງແຂວງ ແລະ ຄະນະກວດກາພັກແຂວງ. 3). ການປັບປຸງກໍ່ສ້າງພັກຕ້ອງໃຫ້ເຫັນໝາກຜົນຕົວຈີງ ໝາຍວ່າ ມີຂະບວນການຕົວຈີງເຊັ່ນ:

- ບັນດາອົງການມະຫາຊົນຂື້ນກັບການຊີ້ນໍາຂອງຄະນະພັກ ຕ້ອງເປັນແບບຢ່າງແຂງແຮງບັນລຸບັນດາຂໍ້ແຂ່ງຂັນຂອງແຕ່ລະອົງການ.

- ບັນດາຂະແໜງການ, ໜ່ວຍງານວຽກງານວິຊາສະເພາະຕ້ອງຮູ້ບົດບາດ, ຮູ້ໜ້າທີ່ຂອງຕົນ ເຮັດຢ່າງຫ້າວຫັນແຂງແຮງ, ກ້າປ່ຽນແປງໄປຕາມທິດຫັນເປັນກ້າວໜ້າ ແລະ ສອດຄ່ອງ ໃນນີ້ໃຫ້ມີວິທີການປັບປຸງວຽກງານສັງລວມພັກຕື່ມ ເຫັນວ່າບົດບາດຂອງຂະແໜງນີ້ບໍ່ທັນພົ້ນເດັ່ນ, ວຽກພັກຢູ່ຮາກຖານບາງບ່ອນບໍ່ແຂງແຮງ ຈະເລີ່ມຈາກຂະແໜງນີ້ເປັນເສນາທິການຄົ້ນຄວ້າໃຫ້ແກ່ຄະນະພັກແຂວງ.

ບັນດາສະມາຊິກພັກຫ້ອງວ່າການແຂວງ ແລະ ແຂກເຂົ້າຮ່ວມຖ່າຍພາບຮ່ວມກັບທ່ານປະທານກອງປະຊູມ

IMG 4926

 

ແຫຼ່ງຂໍ້ມູນ: ຫ້ອງວ່າການປົກຄອງແຂວງຫົວພັນ

ຂຽນຂ່າວໂດຍ: ຊາຍພອນ ລໍຄຳມີ

ປະ​ຕິ​ທິນ

ກໍລະກົດ 2018
1234567
891011121314
15161718192021
22232425262728
293031

ຈຳ​ນວນ​ຜູ້​ເຂົ້າ​ຊົມ​ເວບ​ໄຊ

ມື້​ນີ້87
ມື້​ວານນີ້150
ອາ​ທິດນີ້910
ເດືອນນີ້4167
ຈຳ​ນວນ​ຜູ້​ເຂົ້າ​ຊົມ​ທັງ​ໝົດ134695