ແຂວງຫົວພັນຍິນດີຕ້ອນຮັບ ງົດ​ງ​າມ​ພູ​ຜາ ນ້ຳ​ມ່າ​ສ່ອງ​ໃສ ວຽງ​ໄຊ​ປະ​ຫວັດ​ສາດ ຜ້າ​ໄໝຊຳ​ໃຕ້ ຫິນ​ຕັ້ງ​ຫົວ​ເມືອງ ຖິ່ນ​ພູ​ສາມ​ເຊົ່າ ຄົກ​ເຂົ້ານ້ຳ​ລິນ ແຜ່ນ​ດິນ​ວິ​ລະ​ຊົນ

ທ່ານ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສ ປ ປ ລາວ  ມາຢຽມຢາມ ແລະ ເຮັດວຽກຢູ່ແຂວງຫົວພັນ ພິທີມອບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີI ປະຈຳປີ 2017 ຂອງດ່ານສາກົນນໍ້້າໂສຍ - ນາແມວ ກວດກາຜົນສຳເລັດ 100% ໂຄງການກໍ່ສ້າງທາງ ແຕ່ 5 ແຍກ ທົ່ງນາໄກ່ - ໂຮງຮຽນການເມືອງການປົກຄອງແຂວງ ແລະ ລົງຢ້ຽມຢາມບັນດາໂຄງການກໍ່ສ້າງ  9 ໂຄງການຫຼັກ ຢູ່ເມືອງວຽງໄຊ ຄະນະຜູ້ແທນສະພາປະຊາຊົນແຂວງແທັງຮວ່າ ສສ ຫວຽດນາມ ເຂົ້້າຢ້ຽມຂ່ຳນັບສະຫາຍ ວັນໄຊ ແພງຊຸມມາ ເລຂາພັກແຂວງ ເຈົ້າແຂວງຫົວພັນ ກວດກາຜົນສຳເລັດ 100% ໂຄງການກໍ່ສ້າງທາງບ້ານ ປ່າຄາໃຕ້ ຫາ ຂົວນໍ້າເປີນ ແລະ ຂົວນໍ້າເປີນ 1 ແຫ່ງ ສ້າງຂະບວນການຂໍ່ານັບຮັບຕ້ອນວັນກຳມະກອນສາກົນຄົບຮອບ 132 ປີ (1 ພຶດສະພາ 1886 – 1 ພຶດສະພາ 2018) ພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VI ປະຈຳປີ 2017 ຂອງໜ່ວຍພັກຫ້ອງວ່າການປົກຄອງແຂວງຫົວພັນ ແຂວງຫົວພັນຈັດງານບາສີສູ່ຂັວນປີໃໝ່ ພສ 2561 ການນຳແຂວງຫົວພັນໄປຢ້ຽມຢາມອວຍພອນບຸນປີໃຫມ່ ສສ ຫວຽດນາມ ລາຍງານສະພາບການລົງຊ່ວຍເຫຼືອບັນເທົາທຸກ ໃຫ້ແກ່ປະຊາຊົນບ້ານເມືອງເກີນ ເມືອງຊຳໃຕ້ ແຂວງຫົວພັນ ທີ່ໄດ້ຮັບຜົນກະທົບຈາກໄພທຳມະຊາດ ພິ​ທີ​ພົບ​ປະ​ ແລກ​ປ່ຽນ​ບົດ​ຮຽນ ວຽກ​ງານ​ຫ້ອງວ່າ​ການ ລະ​ຫວ່າງ ຫ້ອງວ່າ​ການ​ປົກ​ຄອງ​ແຂວງ​ຫົວ​ພັນ ແລະ ຫ້ອງວ່າ​ການ​ປົກ​ຄອງ​ແຂວງ​ຊຽງ​ຂວາງ ຄະນະຜູ້ແທນຂັ້ນສູງຂອງແຂວງຮວາບີງ ແຫ່ງ ສສ ຫວຽດນາມ ທີ່ມາຢ້ຽມຢາມ ແລະ ເຮັດວຽກຢູ່ແຂວງຫົວພັນ ປະ​ທານ​ແນວ​ໂຮມ​ແຫ່ງ​ຊາດ ແຂວງ​ແທງ​ຮ​ວ່າ ສ​ສ ຫວຽດ​ນາມ ມາ​ຢ້ຽມ​ຢາມ ແລະ ເຮັດ​ວຽກ​ຢູ່​ແຂວງ​ຫົວ​ພັນ ແຂວງ​ຫົວ​ພັນ ຈັດ​ງານ​ໂຮມ​ຊຸມ​ນຸມ ສະ​ເຫຼີມ​ສະຫຼອງ ວັນ​ສ້າງ​ຕັ້ງ​ຊາວ​ໜຸ່ມປະ​ຊາ​ຊົນ​ປະ​ຕິ​ວັດ​ລາວ ຄົບ​ຮອບ 60 ປີ ທ່ານ ລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ຖະ​ແຫຼງ​ຂ່າວ-ວັດ​ທະ​ນະ​ທຳ ແລະ ທ່ອງ​ທ່ຽວ ເຂົ້າ​ພົບ​ກັບ​ທ່ານ ເຈົ້າ​ແຂວງ​ຫົວ​ພັນ

ທ່ານ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສ ປ ປ ລາວ ມາຢຽມຢາມ ແລະ ເຮັດວຽກຢູ່ແຂວງຫົວພັນ

IMG 5015

ໃນວັນທີ 15 ພຶດສະພາ 2018 ທີ່ຜ່ານມານີ້, ທ່ານຫງວຽນບ໋າ ຮຸ່ງ ເອກອັກຄະລັດຖະທູດ ຜູ້​ມີ​ອຳ​ນາດ​ເຕັມ​ແຫ່ງ ສ​ສ ຫວຽດ​ນາ​ມ​ປະ​ຈຳ​ ສປປ ລາວ ພ້ອມດ້ວຍຄະນະໄດ້ເຂົ້້າຢ້ຽມຂ່ຳນັບທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ ໃນໂອກາດມາຢ້ຽມຢາມ ແລະ ເຮັດວຽກຢູ່ແຂວຫົວພັນ.

        ທ່ານ ​ເອກອັກຄະລັດຖະທູດຫວຽດນາມປະ​ຈຳ​ ສປປ ລາວ ໄດ້ນຳເອົາຄວາມຢື່ຢາມຖາມຂ່າວ, ຄວາມອວຍພອນໄຊອັນປະເສີດ ມາ​ຍັງ​ຄະ​ນະ​ພັກ​ອຳ​ນາດ​ການ​ປົກ​ຄ​ອງ​ແຂວງ​ຫົວ​ພັນ ແລະ ກ່າວ​ຈຸດ​ປະ​ສົງ​ການ​ມາຢ້ຽມ​ຢາມ​ຄັ້ງ​ນີ້​ ແລະ ໄດ້ນຳ​ເອົາ​ຄອມ​ພີ​ວ​ເຕີ​ຈຳ​ນວນ​ສອງ​ຊຸດ​ມູນ​ຄ່າຫຼາຍກວ່າ 7 ລ້ານ​ກິບ, ​ ​ມອບ​ໃຫ້​ແຂວງ​ຫົວ​ພັນເພື່ອນໍາ​ໃຊ້​ເຂົ້າ​ໃນ​ວຽກ​ງາ​ນ​ຕ່າງໆ ຂອງແຂວງຫົວພັນ.ຈາກນັ້ນ, ທ່ານ ວັນ​ໄຊ ແພງ​ຊຸມ​ມາ ກຳ​ມະ​ການ​ສູນ​ກາ​ງ​ພັກ ເລ​ຂາ​ພັກ​ແຂວງ​, ເຈົ້າແຂວງ​ຫົວ​ພັ​​ ໄດ້ລາຍງານຫຍໍ້ ສະພາບການພັດທະນາເສດຖະກິດ-ສັງຄົມ ຂອງແຂວງຫົວພັນໃນ​ປີ 2017 ແລະ ວຽກງານ​ທີ​ພົ້ນ​ເດັ່ນ​ໃນ​ປີ 2018 ເປັນ​ຕົ້ນ​ແມ່ນ​ໄດ້​ຈັດກ​ອງ​ປະ​ຊຸ​​ມລະ​ດັບ​ປະ​ເທດ, ການ​ພົ​ວ​ພັນ​​ຮ່ວມ​ມື​ກັບ​ຕ່າງ​ປະເທດ​ ແລະ ອົງ​ການ​ຈັດ​ຕັ້ງ​ສາ​ກົ​ນ, ໂດຍ​ສະ​ເພາະ​ແມ່ນ​ປະ​ເ​ທດ​ເພື່ອນ​ບ້ານ​ ສ​ສ ຫວ​ຽດ​ນ​າມ ທີ່​ໃ​ຫ້​ການ​ຊ່ວຍເຫຼືອ ທາງ​ດ້ານ​ການ​ພັດ​ທະ​ນາ​ພືນ​ຖານ​ໂຄງ​ລ່າງ ແລະ ການ​ກໍ່ສ້າ​ງ​ຊັບ​ພະ​ຍາ​ກອນ​ມະ​ນຸດ.ແກ່ແຂວງຫົວພັນ.

ຕອນທ້າຍທ່ານເຈົ້າແຂວງຫົວພັນ ໄດ້ສະແດງຄວາມຍ້ອງຍໍຊົມເຊີຍ, ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກ ຢູ່ແຂວງຄັ້ງ​ນີ້, ອວຍພອນໄຊອັນປະເສີດ ແກ່ທ່ານ ຫງວຽນບ໋າຮຸງ ເອກອັກຄະລັດຖະທູດ ຜູ້​ມີ​ອຳ​ນາດ​ເຕັມ​ແຫ່ງ ສ​ສ ຫວຽດ​ນາ​ມ​ປະ​ຈຳ​ ສປປ ລາວ ພ້ອມດ້ວຍຄະນະ ຈົ່ງມີສຸຂະພາບແຂງແຮງ, ມີຜົນສຳເລັດໃນ​ໜ້າ​ທີ່ການເມືອງອັນຊົງກຽດຂອງທ່ານ, ອວຍພອນສາຍພົວພັນຮ່ວມມື ມິດຕະພາບ ລາວ-ຫວຽດນາມ ຈົ່ງໝັ້ນຄົງທະນົງແກ່ນຊົ່ວກາລະນານ.

ແຫຼ່ງຂໍ້ມູນ: ຫ້ອງວ່າການແຂວງຫົວພັນ

ຂຽນຂ່າວໂດຍ: ອົກ ຄຳວົງໄຊ

ກວດແກ້ຂ່າວໂດຍ: ຊາຍພອນ ລໍຄຳມີ

ບັນນາທິການຂ່າວໂດຍ: ທ່ານ ບຸນລົມ ສີເມືອງວົງ.

ພິທີມອບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີI ປະຈຳປີ 2017 ຂອງດ່ານສາກົນນໍ້້າໂສຍ - ນາແມວ

IMG 4987

ໃນຕອນເຊົ້າເວລາ 9:00 ຂອງວັນທີ 11 ພຶດສະພາ 2018 ໜ່ວຍພັກດ່ານ​ສາ​ກົນ​ນ້ຳ​ໂສຍ ໄດ້ຈັດພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ Iປະຈຳປີ 2017 ຕາມມະຕິຕົກລົງສະບັບເລກທີ 53/ .ລົງວັນທີ 25 / 01 / 2018 ຂື້ນທິຫ້ອງປະຊຸມດ່ານສາກົນນ້ຳໂສຍ-ນາແມວ,ພິທີດັ່ງກ່າວໄດ້ຮັບກຽດເປັນປະທານພິທີໂດຍ ສະຫາຍ ນ. ແພງ ​ກັນ​ຍາ​ພີ​ມ ຮອງ​ເລ​ຂາ​ພັກ​ແຂວງ​, ຮ​ອງ​ເຈົ້າ​ແຂວງຫົວ​ພັນ ຜູ້ຊີ້ນຳຂົງເຂດວຽກງານປົກ​ຄອງ ຊື່ງກອງປະຊຸມດັ່ງກ່າວ ໄດ້ມີຜູ້ເຂົ້າຮ່ວມທັງໝົດ 20 ສະຫາຍ, ຍີງ 4ສະຫາຍແລະ ຍັງໄດ້ເຊີນເອົາບັນດາໜ່ວຍພັກທີ່ຂື້ນກັບຄະພັກຮາກຖານຫ້ອງວ່າການປົກຄອງແຂວງ ແລະ 3 ດ່​ານ​ທ້ອງ​ຖິ່ນ​ຂື້ນ​ກັບເຂົ້າຮ່ວມນຳ. ໜ່ວຍພັກດ່ານ​ສາກນ​ນ້ຳ​ໂສຍ-ນາແມວ ເປັນໜ່ວຍພັກໜຶ່ງທີ່ຂື້ນກັບການຊີ້ນຳ-ນຳພາຂອງຄະນະພັກຮາກຖານຫ້ອງວ່າການປົກຄອງແຂວງ ມີໜ້າພາລະບົດບາດ, ສິດ, ໜ້າທີ່ ເປັນເສນາທິການໃຫ້ແກ່ຄະນະປະຈຳພັກແຂວງ, ອົງການປົກຄອງແຂວງ ແລະ  ມີຄວາມຮັບຜິດຊອບໃນການສຶກສາອົບຮົມການເມືອງ-ແນວຄິດ, ຊີ້ນຳວຽກງານວິຊາສະເພາະ ແລະ ກໍ່ສ້າງພະນັກງານ, ຕາມຂະແໜງການທີ່ຂື້ນ​ກັບ​ໜ່ວຍ​ພັກດ່ານ​ສາກນ​ນ້ຳ​ໂສຍ-ນາແມວ.

ຕາງໜ້າໜ່ວຍພັກ ໂດຍສະຫາຍ ພູ​ເງິນ ອິນ​ທະ​ວົງ ເລຂາໜ່ວຍພັກ ດ່ານ​ສາກົນ​ນ້ຳ​ໂສຍ-ນາແມວ, ໄດ້ຂື້ນຜ່ານຮ່າງບົດສະຫຼຸບການຊີ້ນຳນຳພາຂອງໜ່ວຍພັກປະຈຳປີ 2017 ແລະ ວາງທິດທາງແຜນການ ໃນການຊີ້ນຳ-ນຳພາກວຽກງານຂອງໜ່ວຍພັກໃນປີ 2018 ຊື່ງບົດສະຫຼຸບໄດ້ຕີລາຄາ 4 ດ້ານ - 5 ເນື້ອໃນ ແລະ ຍົກໃຫ້ເຫັນບັນດາຈຸດດີຜົນງານ, ບັນດາຂໍ້ຫຍຸ້ງຍາກໃນໄລຍະຜ່ານມາ ເພື່ອພ້ອມກັນຊອກຫາສາເຫດ ແລະ ວິທີການແກ້ໄຂໃນຕໍ່ໜ້າ ໃຫ້ນັບມື້ດີຂື້ນ ແລະ ຫັນເຂົ້າສູ່ທັນສະໄໝເທື່ອລະກ້າວ.

ຕອນທ້າຍ ສະຫາຍ ນ. ແພງ ກັນຍາພິມ ຂອງເລຂາພັກແຂວງ, ຮອງເຈົ້າແຂວງ ໄດ້ມີຄຳເຫັນໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມ ເຊີ່ງສະຫາຍໄດ້ເນັ້ນໜັກໃຫ້ຄະນະພັກ ແລະ ສະມາຊິກພັກຕ້ອງເອົາໃຈໃສ່ບາງເນື້ອໃນຈິດໃຈດັ່ງນີ້: 1). ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານເປັນກົກ ໂດຍສະເພາະແມ່ນຄົນລຸ້ນໜຸ່ມ ເປັນຜູ້ສຶບຖອດພາລະກິດຂອງພັກ (ໃນການປົກປັກຮັກສາ ແລະ ສ້າງສາພັດທະນາປະເທດຊາດ) ເຮັດແນວໃດໃຫ້ຄົນລຸ້ນໜຸ່ມຮັບຮູ້ເຊື່ອມຊືມ ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ເພື່ອຈະເປັນຜູ້ທີ່ມີຄຸນທາດການເມືອງໜັກແໜ້ນ, ມີທັດສະນະຄຸນສົມບັດສິນທຳປະຕິວັດທີ່ດີ, ມີຄວາມເປັນເຈົ້າການຕໍ່ໜ້າທີ່ການເມືອງໄດ້ຮັບມອບໝາຍ ແລະ ຄວາມຮັບຜິດຊອບສູງຕໍ່ສ່ວນລວມ. 2). ເປັນ​ເຈົ້າ​ການ​ໃນ​ການ​ສ້າງ​ສາຍ​ພົ​ວ​ພັນ​ການ​ຮ່ວມ​ມື​ລະ​ຫວ່າງ​ສອງ​ຊາດ​ເຂ​ດ​ຊາຍ​ແດນ, ຕິ​ດ​ຕາມກວດ​ກາ​ການ​ເຂົ້າ​-ອອກ​ຂອງພົນລະເມືອງ, ສິນຄ້າ, ວັດ​ສະ​ດຸ​-ອຸ​ປະ​ກ​ອນ ນໍາ​ເຂົ້າ​ສົ່ງ​ອອກ​ໃຫ້​ເຂັ້ມ​ງວດ ຕາມລະບຽບການ.

ແຫຼ່ງຂໍ້ມູນ: ຫ້ອງວ່າການແຂວງຫົວພັນ

ຂຽນຂ່າວໂດຍ: ອົກ ຄຳວົງໄຊ

ກວດແກ້ຂ່າວໂດຍ: ຊາຍພອນ ລໍຄຳມີ

ບັນນາທິການຂ່າວໂດຍ: ທ່ານ ບຸນລົມ ສີເມືອງວົງ.

ປະ​ຕິ​ທິນ

ພຶດສະພາ 2018
12345
6789101112
13141516171819
20212223242526
2728293031

ຈຳ​ນວນ​ຜູ້​ເຂົ້າ​ຊົມ​ເວບ​ໄຊ

ມື້​ນີ້158
ມື້​ວານນີ້203
ອາ​ທິດນີ້1364
ເດືອນນີ້3526
ຈຳ​ນວນ​ຜູ້​ເຂົ້າ​ຊົມ​ທັງ​ໝົດ123644