ແຂວງຫົວພັນຍິນດີຕ້ອນຮັບ ງົດ​ງ​າມ​ພູ​ຜາ ນ້ຳ​ມ່າ​ສ່ອງ​ໃສ ວຽງ​ໄຊ​ປະ​ຫວັດ​ສາດ ຜ້າ​ໄໝຊຳ​ໃຕ້ ຫິນ​ຕັ້ງ​ຫົວ​ເມືອງ ຖິ່ນ​ພູ​ສາມ​ເຊົ່າ ຄົກ​ເຂົ້ານ້ຳ​ລິນ ແຜ່ນ​ດິນ​ວິ​ລະ​ຊົນ

ທ່ານ ສອ​ນ​ໄຊ​ສີ​ພັນ​ດອນ ຢ້ຽມ​ຢາມ​ແຂວງ​ຫົວ​ພັນ 17-19/5/2018

 

IMG 50336

         ໃນ​ລະຫວ່າງ​ວັນ​ທີ 17 – 19 / 5 / 2018 ທ່ານ ສອນ​ໄຊ ສີ​ພັນ​ດອນ ກຳມະການ​ກົມ​ການ​ເມືອງ​ສູນ​ກາງ​ພັກ ຮອງ​ນາຍົກລັດຖະມົນຕີ ພ້ອມ​ດ້ວຍ​ຄະນະ​ໄດ້​ມາ​ຢຽມຢາມ​ ແລະ​ ເຮັດ​ວຽກຢູ່​ແຂວງ​ຫົວພັນ ​ເນື້ອ​ງ​ໃນ​ໂອ​ກາດ​ສະ​ເຫຼີມສະຫຼອງ​ໜ່ວຍແກ້ວ​ຫຼັກ​ເມືອງຄົບຮອບ 10 ປີ ​ຕິດ​ພັນ​ກັບ​ການ​ເປີດ​ກິດຈະກຳ​​ປີ​ທ່ອງ​ທ່ຽວລາວ 2018 ​​ໃນ​ພິ​ທີ​ດັ່ງ​ກ່າວ​ໄດ້​ຂ​ຳ​ນັບ​ຮັບ​ຕ້ອນ ​ແຂກ​ຖືກ​ເຊີນ​ຈາກສູນ​ກາງ, ​ບັນດາ​ແຂວງ​ໃກ້​ຄຽງທັງ​ພາຍ​ໃນ ​ແລະ ຕ່າງປະ​ເທດ​. ພ້ອ​ມ​ດ້ວຍມວນ​ຊົນ​ຊາວ​ແຂວງ​ຫົວພັນ​ເຂົ້າ​ຮ່ວມ​ຢ່າງຄັບຄາໜາ​ແໜ້ນ.

  IMG 5320.JPG1IMG 5336

​ໃນ​ພິທີ​ສະ​ເຫຼີມສະຫຼອງ​ອັນ​ມີ​ຄວາມໝາຍສຳຄັນ​ນີ້ ທ່ານ ວັນ​ໄຊ​ແພງ​ຊຸມ​ມາ ກຳມະການ​ສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງ​ຫົວພັນ ​ໄດ້​ມີ​ເຫັນ​ກ່າວ​ເປີດ​ກິດຈະກຳ​ປີ​ທ່ອງ​ທຽວລາວ 2018 ​ແລະ ການສະ​ເຫຼີມສະຫຼອງ​ແກ້ວ​ຫຼັກ​ເມືອງຄົບຮອບ 10 ປີຢ່າງ​ເປັນ​ທາງ​ການ. ຈາກ​ນັ້ນ ສອນ​ໄຊ ສີ​ພັນ​ດອນ ກຳມະການ​ກົມ​ການ​ເມືອງ​ສູນ​ກາງ​ພັກ ຮອງ​ນາຍົກລັດຖະມົນຕີ​ແຫ່ງ ສປປ ລາວ​ ​ໄດ້​ລັ່ນ​ຄອງ 9 ບາດ ເພື່ອ​ເປັນ​ສິລິ​ມຸງຄຸນ​ໃຫ້​ພິທີ ​ເປີດ​ກິດຈະກຳ​ປີ​ທ່ອງ​ທຽວລາວ 2018 ແລະ ການສະ​ເຫຼີມສະຫຼອງ​ໜ່ວຍ​ແກ້ວ​ຫຼັກ​ເມືອງຄົບຮອບ 10 ປີ.

ຫຼັງຈາກ​ນັ້ນ ຄະນະ ທ່ານ ສອນ​ໄຊ ສີ​ພັນ​ດອນ ​ແລະ ບັນດາທ່ານ​ແຂກ​ເຂົ້າ​ຮ່ວມ​ກໍ່​ໄດ້​ທ່ຽວຊົມ​ ການວາງສະ​ແດງ​ສິນຄ້າ ​ແລະ ຜະລິດ​ຕະພັນ​ການທ່ອງ​ທ່ຽວ, ຊີມ​ອາຫານ​ພື້ນ​ເມືອງ​ຈາກ​ບັນດາ​​ເມືອງ ​ແລະ ບ້ານ​ພາຍ​ໃນ​ເມືອງ​ຊຳ​​ເໜືອ, ງານ​ສະ​ແດງ​ສີ​ລະ​ປະ​ວັນນະຄະດີໜ່ວຍສະໝັກຫຼີ້ນອ້ອມ​ຂ່າງ​ແຂວງ ,ກອງ​ບຸນ​ຂອງ​ການ​ນຳ​ແຂວງ, ພະ​ແນ​ກການ ​ແລະ ​​ບັນ​ດາ​ເມ​ືອງ​ຂອງ​ແຂວງ​ຫົວ​ພັນ.

​ໃນ​ການ​ມາ​ຢ້ຽມຢາມຄັ້ງ​ນີ້​ທ່ານ​ຍັງ​ໄດ້​ທ່ຽວຊົມ​ບາງ​ກິດຈະກຳ​ພາຍ​ໃນ​ແຂວງ​ຫົວພັນ​ເປັນ​ຕົ້ນ​ແມ່ນ: ສູນ​ເຕັກນິກ​ກະສິກຳ ຫົວພັນ - ​ແທັງ​ຮວ່າ​ ຢູ່​ ບ້ານ​ອົ້ງ ​ເມືອງ​ຊຳ​ເໜືອ, ບໍ່ຖ່ານ​ຫີນ ບ້ານ ​​ເມື​ອງຮາມ ​ເມືອງ​ຊຳ​ເໜືອ​ແຂວງ​ຫົວພັນ. ​ໂອ​ລົມ​ພະນະ​ງານຮາກ​ຖານ ​ແລະ ປະຊາຊົນ​ກຸ່ມ​ບ້ານ​ເມືອງ​ແວ່ນ ເມືອງ​ຊ​ຳ​ເໜ​ືອ ພິ​ເສດ ທ່ານ​ຍັງ​ໄດ້​ໃຫ້​ກຽດ​ພົບ​ປະ​ໂອ​ລົ​ມ​ພະ​ນັກ​ງານຫຼັກ​ແຫຼງ​ຂອ​ລ​ແຂວງ ແນ​ໃສ່​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​ແຂວງ​ຫົວ​ພັນ ໃຫ້​ນັບ​ມື້​ເຂັ້ມ​ແຂງ​ຂື້​ນ​ໄປ​ເລື່ອຍໆ.

 

ທ່ານ ສອນໄຊ ສີພັນດອນ ພົບປະໂອ້ລົມພະນັກງານຫຼັກແຫຼ່ງແຂວງຫົວພັນ

 

ແຫຼ່ງຂໍ້ມູນ: ຫ້ອງວ່າການແຂວງຫົວພັນ

ຂຽນຂ່າວໂດຍ: ອົກ ຄຳວົງໄຊ

ກວດແກ້ຂ່າວໂດຍ: ຊາຍພອນ ລໍຄຳມີ

ບັນນາທິການຂ່າວໂດຍ: ທ່ານ ບຸນລົມ ສີເມືອງວົງ.

​ຜູ້​ເຂົ້າ​ຊົມ​ເວັບ​ໄຊ

ມື້​ນີ້128
ມື້​ວານນີ້179
ອາ​ທິດນີ້128
ເດືອນນີ້2979
ຜູ້​ເຂົ້າ​ຊົມ​ທັງ​ໝົດ215535