ແຂວງຫົວພັນຍິນດີຕ້ອນຮັບ ງົດ​ງ​າມ​ພູ​ຜາ ນ້ຳ​ມ່າ​ສ່ອງ​ໃສ ວຽງ​ໄຊ​ປະ​ຫວັດ​ສາດ ຜ້າ​ໄໝຊຳ​ໃຕ້ ຫິນ​ຕັ້ງ​ຫົວ​ເມືອງ ຖິ່ນ​ພູ​ສາມ​ເຊົ່າ ຄົກ​ເຂົ້ານ້ຳ​ລິນ ແຜ່ນ​ດິນ​ວິ​ລະ​ຊົນ

ກວດກາຜົນສຳເລັດ 100% ໂຄງການກໍ່ສ້າງທາງບ້ານ ປ່າຄາໃຕ້ ຫາ ຂົວນໍ້າເປີນ ແລະ ຂົວນໍ້າເປີນ 1 ແຫ່ງ

 

check road

ໃນຕອນເຊົ້າຂອງວັນທີ 11 ພຶດສະພາ 2018 ຄະນະຄຸ້ມຄອງໂຄງການກໍ່ສ້າງ ທາງ ແລະ ຂົວທີມງານຂອງແຂວງນໍາໂດຍທ່ານ ພອນສຸກ ອີນທະວົງ ກໍາມະການພັກແຂວງ ຫົວໜ້າພະແນກ ໂຍທາທິການ ແລະ ຂົ່ນສົງ ແຂວງ, ທີມງານຂອງເມືອງນໍາໂດຍ ທ່ານ ພຸດພັນ ແກ້ວວົງໄຊ ກໍາມະການພັກແຂວງ ເລຂາພັກເມືອງ ເຈົ້າເມືອງຫົວເມືອງ ແລະ ຍັງມີບັນດາທ່ານ ຫົວໜ້າພະແນກ, ຮອງພະແນກ ແລະ ວິຊາການ ຂອງພາກສ່ວນທີ່ກ່ຽວຂ້ອງຂັ້ນແຂວງ, ຂັ້ນເມືອງ ແລະ ອຳນາດການປົກຄອງບ້ານກ່ຽວຂ້ອງເຂົ້າຮ່ວມ ເຊີ່ງໄດ້ປະສານສົມທົບກັບ ກຸ່ມບໍລິສັດຍອດຈະເລີນ ເພື່ອລົງກວດກາມອບຮັບໂຄງການກໍ່ສ້າງເສັ້ນທາງແຕ່ ບ້ານປ່າຄາໃຕ້ ຫາ ຂົວນໍ້າເປີນ ແລະ ກໍ່ສ້າງຂົວຂ້າມນໍ້າເປີນ 1 ແຫ່ງ (ທາງປູແຮ່ປັບປຸງຍົກລະດັບເສັ້ນທາງຊັ້ນ 5 ເຂດພູດອຍ ກວ້າງ 5 ແມັດ, ລວງຍາວ 4,3 ກມ) ເຊີ່ງກິດຈະກຳໃນການກໍ່ສ້າງຂົວ 1 ແຫ່ງ ມີມູນຄ່າ: 6.260.644.361 ກີບ ແລະ ທາງ 1 ເສັ້ນມູນຄ່າ: 12.135.713.029 ກີບ, ລວມເປັນມູນຄ່າທັ້ງໝົດ: 18.396.357.390 ກີບ, ຜ່ານການກວດກາຕົວຈີງຂອງທີມງານຂອງແຂວງ, ເມືອງຫົວເມືອງ ເຫັນວ່າບໍລິສັດສາມາດຈັດຕັ້ງປະຕິບັດໄດ້ຕາມແບບ ແລະ ຖືກຕ້ອງຕາມມາດຖານເຕັກນີກ ພ້ອມນັ້ນທີມງານດັ່ງກ່າວໄດ້ເຫັນດີ ເອກະພາບຮັບຮອງເອົາຜົນສໍາເລັດ 100% ຂອງໂຄງການດັ່ງກ່າວ.

 

ແຫຼ່ງຂໍ້ມູນ: ຫ້ອງວ່າການແຂວງຫົວພັນ

ຂຽນຂ່າວໂດຍ: ຕຸ້ຍ ອຸ່ນພະຈັນ

ກວດແກ້ຂ່າວໂດຍ: ຊາຍພອນ ລໍຄຳມີ

ບັນນາທິການຂ່າວໂດຍ: ທ່ານ ບຸນລົມ ສີເມືອງວົງ.

​ຜູ້​ເຂົ້າ​ຊົມ​ເວັບ​ໄຊ

ມື້​ນີ້26
ມື້​ວານນີ້119
ອາ​ທິດນີ້745
ເດືອນນີ້1510
ຜູ້​ເຂົ້າ​ຊົມ​ທັງ​ໝົດ197194